Jrüetsj

Els Heijdendael

(in 't Valkebergs plat)

Mit carnaval - mit carnaval,
 sjtiek ederein de gek.
Dan is aan leefde en vrundsjap
 toch werkelijk gein gebrek.

Me dans - en sjans,
 dan vraog ich mich aaf
of ste de volgende daag,
 mich óch nog waal zuus sjtaon?
Of is 't mit dien vrundligheid,
 dan veur é jaor gedoon?
En lup ste mit de naas in de loch
 es inne gruètsje pau veurbie?

Mien leefste kind, bedink dich toch
 dat hoeëgvaart in dien prie,
ich zigk 't dich, 't deed mich leid,
 de weeg is nao de einzaamheid.
En sjteet de einzaamheid paraat,
 is 't veur dich te laat.