Óp zóndieg d’r 27^ste oktober woar d’r jemuutlieje Zóndiegnommedaag van d’r Dialekverain in ’t Catharinahoes óppen Hoots. Inne sjunne prójram mit bekankde artieste woar aajezaad, d’r itrit woar vrij en d’r aaloof woar dan óch jroeës.

Vier hant jenaose van de bijdreëg van d’r Loek van de Weijer, d’r Frans Hendriks, ’t Lune Weijers, ’t Manon Salobir en d’r Mark Sterk. De moeziekaliesje oemlaistoeng woeëd verzörgd durch de Auw Sjóttel.